Таццяна Касячэнка (Украіна)
Cтатыстычныя дадзеныя паказваюць, што смяротнасць перавышае нараджальнасць. Штучнае перапыненьне цяжарнасці стала звычайнай з'явай. Чалавек стаў здзяйсняць забойствы ў самім сабе.
"Мы з мужам былі шчаслівыя да тых часоў, пакуль я не зацяжарыла. Муж упэўніў мяне зрабіць аборт. Я пагадзілася, бо мы былі яшчэ такія маладыя ды нам хацелася атрымаць асалоду ад жыцця аднаго дзеля аднаго. Ды і матэрыяльна мы ня былі забяспечаныя настолькі, каб можна было ўзяць на сябе адказнасць за выхаваньне дзіцяці. Нам падавалася, што ўсё яшчэ наперадзе. Але нажаль ... Пасля аборту ў мяне пачалося запаленьне дзетародных ворганаў. А калі праз тры гады я зацяжарыла, цяжарнасць апынулася пазаматкавай. Пасля аперацыі медычныя даследаваньні паказалі, што я больш ня змагу мець дзяцей. У нашых адносінах з мужам з'явіліся халоднасць і абыякавасць адзін да аднога. Я стала замкнёнай, раздражняльнай. Часта мела кашмары ўначы, у якіх я зноў і зноў перажывала аборт. Калі б я захавала нашае дзіцяці, усё было б інакш ... "
Знаёмая сітуацыя, ці ня праўда? Гэтыя словы сёньня кажуць тысячы жанчынаў. Дэпрэсія, пачуццё адкінутага, страх смерці, пачуццё віны, замкнёнасць, самапаніжэньне - вось няпоўны пералік прыкметаў пастабортнага сіндрому. У чым ёсць прычына такіх цяжкіх наступстваў?
- Аборт - гэта аперацыя, якую робяць пры адсутнасці захворваньня, па жаданьні чалавека, - тлумачыць Таццяна Касячэнка, лекар, лідэр служэньня "Натуральнае планаваньне сям'і". - З пункту гледжаньня сучаснай біялогіі, генетыкі ды эмбрыялогіі, жыццё чалавека пачынаецца з моманту зліцця ядраў мужчынскай і жаночай палавых клеткаў і станаўленьня адзінага ядра, якое змяшчае непаўторны генетычны матэрыял. Новы чалавечы арганізм нельга ўпадобніць да воргану альбо часткі цела маці. Мэта аборту - перапыніць жыццё чалавека. Такім чынам, аборт - гэта забойства. Вось што распавядаюць жанчыны, якія перанеслі гэтую аперацыю:
"Мне тлумачылі, што пры аборце выдаляюць ўсяго толькі маленькую часцінку плоці, што гэтая працэдура праходзіць амаль бязбольна і доўжыцца каля пяці хвілін. Але калі я ляжала на гінекалагічным крэсле, і з мяне літаральна "высмакталі" жывую істоту, да мяне прыйшло пачуццё глыбокай віны перад дзіцем, якому я свядома ня дала з'явіцца ў свет. Я выйшла з кабінэту зусім іншаю асобаю. Гэтыя пяць хвілінаў сталі пачаткам жыцця, поўнай роспачы, страху, сораму, безвыходнасці, нянавісці да мужа ..."
Адзін з Божых запаветаў - "не забівай" (Дрг 5:17). Забойства - грэх, наступствы якога цяжарам кладуцца на чалавека. Але ў кожнай жанчыны ёсць магчымасць раз і назаўжды вызваліцца ад праклёну граху. Ісус Хрыстос прыняў на Сябе ўсе грахі свету. Калі звярнуцца да Бога і пакаяцца, выспавядаць свой грэх, прыняць Ісуса Хрыста сваім Госпадам і Збаўцам, дык Бог, "будучы верны і праведны, даруе нам грахі нашыя і ачысьціць нас ад усялякай няпраўды" (1-е Яна 1:9). Толькі Бог зможа прымірыць з Сабою ды з іншымі людзьмі, вярнуць радасць стасункаў, духоўную свабоду, магчымасць стварыць шчаслівую, гарманічную сям'ю. Толькі Бог "няплодную ўсяляе ў дом маці, што радуецца за дзяцей" (Пс 112:9).
У нашай царкве праводзяцца кансультацыі па натуральнаму планаваньню сям'і. Гэтая мэтода дае магчымасць вызначыць пэрыяд верагоднага зачацця дзіцяці шляхам нескладаных назіраньняў за сваім арганізмам з мэтаю перадухіліць непажаданую цяжарнасць. Перавага гэтай мэтоды складаецца ў тым, што яго выкарыстаньне ня ўплывае на арганізм жанчыны. У выніку знікае страх перад непажаданай цяжарнасцю. З'яўленьня "незапланаваных дзяцей зводзіцца да мінімуму". Мы звяртаемся да вас, дарагія чытачы, зрабіце правільны выбар: прыміце рашэньне рухацца па Божаму шляху, і вы знойдзеце шчасце і поўную гармонію ў сваім жыцці.