Аманда
Маю
зараз 19 гадоў. Я зрабіла аборт
недзе каля чатырох месяцаў таму. Мне
няма з кім аб гэтым
паразмаўляць, і я адчуваю сябе жудасна прыгнечанаю. Усё пачалося ў пачатку ліпеня, калі не прыйшлі месячныя.
Я
чакала, спадзеючыся, што гэта проста нейкая затрымка. Прайшло яшчэ два тыдні, і я вырашыла правесці тэст. І ў бліжэйшую суботу,
калі бацькоў не было дома, зранку я яго правяла.
Мне было так страшна. Падавалася, што
вынік
будзе
станоўчым, і вядома, так яно і аказалася. Я не вытрымала і, сеўшы на падлогу, расплакалася. Я плакала так моцна і доўга, што думала, што мяне званітуе. Я пайшла да сябе ў пакой, легла ў ложак і праляжала так увесь дзень. Калі я паведаміла свайму хлапцу, што зараз цяжарная, ён не выказаў аніякіх эмоцыяў, проста адказаў, што мы разбярэмся з гэтаю праблемаю, як быццам гаворка ішла пра тое, каб вынесці смецце. Я знэрвавалася яшчэ больш, а ён кінуў, што я пайду на аборт, і што гэтая справа ўжо
ёсць вырашаная. Я адцягвала візыт у шпіталь, таму што не хацела ісці на аборт.
У рэшце рэшт я адчула, што ў мяне больш няма выбару: бацькі не зразумелі б, а сябры маглі
падтрымаць толькі маральна. Таму я патэлефанавала ў клініку і потым
прыйшла на першую кансультацыю,
дзе ў мяне ўзялі кроў на
аналіз і зрабілі
УГД, падчас
якой я ня толькі ўбачыла сэрцабіцце, але яшчэ лекар сказаў, што, падобна
на тое, што ў мяне будзе
дзяўчынка. Я зышла
са шпіталю, адчуваючы, што ўнутры разрываюся на часткі, знешне захоўваючы пэўны спакой. У дзень аборту мяне
трэсла
і ванітавала, доўгае чаканьне не дапамагло мне
супакоіцца. Мне далі некалькі пытаньняў, далі лекі і паклікалі ў аперацыйную. Было жудасна самотна і страшна. Пасля ўсё адбывалася так хутка, што
мне здаецца, нават калі б я перадумала, мне не дазволілі б сысці. Мне давялося распрануцца, легчы на стол і захінуцца ў прастыню, я дрыжала і дрыжала, ды плакала. Потым увайшлі
дзве жанчыны-лекары ды патлумачылі, што яны будуць рабіць. Адна з іх падлучыла мяне да нейкага манітору, а іншая дастала «абсталяваньне» і сказала, што я адчую спазмы ў жываце, і ўсё. Я адчувала, што нешта раздзірае мае вантробы ды высмоктвае іх з мяне. Я адчувала ўсё. Анэстэзія не падзейнічала, і я ўвесь час з усіх сіл
сціскала простыні ў кулаках, глядзела ў
столю ды плакала. Ногі моцна дрыжэлі, і ў канцы я ўжо не магла іх кантраляваць.
У нейкі момант я
паглядзела ўніз і ўбачыла гэтую доўгую
трубку, напоўненую крывёю, і адчула, што мяне
вырве, настолькі жахлівым было гэта відовішча. Праз некалькі хвілінаў яны скончылі, а я не магла нават паварушыцца. Медсястра апранула
мяне.
Я
не вельмі памятаю гэты момант, але дзіўна ўсведамляць, што нейкая жанчына
апранала
на
мяне
трусы ды штаны... як на дзіцяці. Потым я ўстала, галава
моцна
кружылася.
Я
зноў
паклалала галаву на рукі ды заплакала. Медсястра стаяла побач і пыталася ў мяне, як я сябе
адчуваю
і ці не ванітуе мяне. Я
адмоўна паматала галавою, каб мяне пакінулі
ў спакоі, хоць адчувала сябе жудасна.
Яна запытала, ці змагу
я ўстаць. Я ўстала, і яна адвяла мяне ў суседнюю палату, але я не дайшла да
крэсла, у мяне пачаліся ванітавыя пазывы, і мяне некалькі разоў званітавала.
Мяне пасадзілі на крэсла і далі нейкія пігулкі ды вады, і я страціла прытомнасць.
Калі я ачуняла, хтосьці вымяраў у мяне ціск, гледзячы
мне ў твар.
Я адчувала сябе, як
быццам на мне здзейснілі гвалт. Мяне папрасілі
пайсці ў туалет
і паглядзець, наколькі моцны крывацёк.
Крыві было шмат, але я схлусіла,
быццам бы яе там зусім ледзь-ледзь. Тады мяне адпусцілі дадому з
кішэнямі пігулакак і дакумэнтамі.
Я пакінула сабе здымкі
з УГД. На
праверку
я
не
пайшла,
бо проста не магла вярнуцца ў гэтае месца.
Цяпер кожны
раз, калі
чую ці бачу дзіцяці альбо думаю пра
дзіця, то ўяўляю, якім быў
бы мой малы,
калі б я пакінула яму
жыццё. Ён нарадзіўся
б у лютым. Я ненавіджу сябе за тое, што зрабіла.
Мой хлапец не разумее, праз што я прайшла, і як гэтае паўплывала на мяне. Ён думае, што ўсё ў мінулым, але я кожны дзень перажываю гэтае зноў ды
зноў і ўвесь
час плачу. Я прайшла
курс лекаваньня ад дэпрэсіі,
але стала ў
дзесяць разоў горш.
Дзякуй за тое, што
прачыталі маю гісторыю. Я прашу ўсіх: калі ласка, не забівайце сваіх дзетак!!!